சத்திய யுகம்

புதிய நூற்றாண்டு மலர்ந்தது
விஞ்ஞானம் அதன் விதையானது
தொழில் நுட்பங்கள் விருட்சமாயின
மனிதநேயம் குறுகிப் புல்லாகிப் போனது

ஆதாரம் கடவுள் என்றது சனாதனம்
ஆதாம் ஏவாள் மக்கள் என்றது கிறித்தவம்
அல்லாவே அனைத்தும் என்றது இஸ்லாம்
அன்பே வாழ்வின் குறிக்கோள் என்றது பௌத்தம்


இச்சிகரங்கள் அனைத்தும் இன்று நம்பிக்கை வட்டங்கள்
எழுச்சி பெறுவதோ நமது வாழ்க்கை வசதிகள்
வழிகாட்டும் கோணமாய் விஞ்ஞானம் - இவை
முட்டி மோதும் ரண களம் நம் பூமி - நம்


தேடல்கள் உடலை வளர்க்கும் உணவுக்காகிவிட்டன
ஆய்வுகள் போருக்கான ஆயுதங்களுக்காகிவிட்டன
ஆனந்தங்கள் சிறு பொதிகளில் அடங்கிவிட்டன - நம்
மரணங்களும் அணு அணுவாய் நிகழ்கின்றன


மண்ணில் சுவடற்றுப் போன உயிரினங்கள் பல
மனிதம் நன்கு துளிர் விட்டுக் கொள்ளட்டும்
பல்கோணிகள் இன்னும் தெரியவில்லை
வட்டங்கள் அனைத்தும் மறையவில்லை